Ավելորդ քաշից ազատվելու նոր միջոց
Սրտանոթային հետազոտությունների իսպանական ազգային կենտրոնի գիտնականները մարդկանց օրգանիզմում հայտնաբերել են MKK6 տեսակի սպիտակուցներ, որոնք խանգարում են այրել ավելցուկային կալորիաները: Այդ փաստը կարող է օգնել գիտնականներին ավելորդ քաշի դեմ արդյունավետ դեղամիջոց ստեղծելու հարցում: Մասնագետները պարզաբանում են, որ MKK6 սպիտակուցների մեծ քանակը արգելափակում է սպիտակ յուղի վերափոխումը շագանակագույնի: Վերջինս պատասխանատու է ճարպերի այրման ընթացքի համար: Այս մասին հաղորդում է Nation News լրատվական գործակալությունը` վկայակոչելով իսպանական լրատվամիջոցներին: Ներկայումս միկրոկենսաբանները փորձարկում են իրենց բացահայտումը լաբորատոր կենդանիների վրա: Եթե փորձերի արդյունքները հաջողվեն, ապա մարդկությունը նոր արդյունավետ դեղամիջոցի շնորհիվ կկարողանա ազատվել անցանկալի գիրությունից: